IDRA Research & Consulting në bashkëpunim me Universitetin e Oksfordit, i financuar nga Banka Botërore, ka nisur nje projekt te madh kërkimor mbi sistemin arsimor publik.
Projekti kërkimor fokusohet në çështjet e qeverisjes dhe përgjegjësive brenda sistemit arsimor dhe përdor metoda tradicionale të anketimit (anketim sasior) si edhe eksperimente te kontrolluara në terren (kërkim cilësor) për të vlerësuar sjelljen e grupeve të interesit (prindërve të studentëve, mësuesve, drejtorëve të shkollave, anëtarëve të bordit të shkollës dhe anëtarëve të tjerë të komunitetit) në drejtim të qeverisjes në sektorin e arsimit si edhe preferencat e tyre për përgjegjësinë dhe transparencën ne kete sektor. Projekti kërkimor do të krijoje bazën për të matur ndikimin e masave përmirësuese të qeverisjes dhe reformave të autonomisë shkollore të planifikuara nga Ministria e Arsimit dhe e Shkencës në Shqipëri. Projekti përfshin më shumë se 4000 intervista me grupet e interesit të shkollave dhe rreth 200 eksperimente në terren (grupe të fokusuara) në 200 shkolla në të gjithë Shqipërinë.

<-- Kthehu