- 32 % e familjeve shqiptare deklarojnë se kanë në pronësi të paktën një makinë
- 44% e makinave të familjeve shqiptare janë të markës “Mercedes Benz”
Këto janë rezultatet që kanë dalë nga sondazhi kombëtar i 1000 familjeve në Shqipëri. Nëse marrim në konsideratë numrin e popullsisë të projektuar nga INSTAT (për vitin 2008 tregon 3.170.048 banorë) dhe duke marrë një mesatare prej 4 anëtaresh për familje , del se në Shqiperi janë afërsisht 755 000 familje. Nga ky numër, sipas sondazhit, del se afërsisht 242 000 familje kanë makina në pronësi (të paktën një).

Nëse përpunojmë më tej të dhënat, del se përqindja e familjeve që deklarojnë se kanë të paktën një makinë është 36% në zonat URBANE krahasuar me 26% në zonat RURALE.

Sondazhi nuk konfirmon “mitin” e krijuar, sipas të cilit shumica e makinave në Shqipëri janë Mercedes Benz. Sipas sondazhit 56% e makinave janë të markave të tjera, “jo - Mercedes”. Megjithatë Mercedez Benz është qartësisht makina më e përhapur në Shqipëri. Sipas përgjigjeve të të intervistuarve, 44% e makinave në pronësi të familjeve shqiptare janë të markës “Mercedes Benz”. “Volkswagen” është marka e dytë e përmendur me rreth 11%.

Këto janë rezultatet e sondazhit Omnibus të IDRA Research & Consulting për muajin Janar 2009. Sondazhi omnibus kryhet çdo muaj me një kampion prej 1000 familjesh në të gjithë Shqipërinë.

Vizitoni IDRA Blog për më shumë diskutime mbi këtë temë.



_____________________________
³ Censusi i 2001 nga INSTAT doli me një mesatare prej 4,2 anëtarësh për familje. Shiko
http://www.instat.gov.al/repoba/zyra_shtypit/prel_eng.htm

<-- Kthehu