Që nga muaji Shkurt 2009, IDRA Research & Consulting do te vlerësojë Treguesin e Besimit të Konsumatorit në Shqipëri duke ndjekur një traditë të njohur në vendet e zhvilluara, me llogaritjen e një indikator të rëndësishëm që mat pulsin e ekonomisë së një vendi.
Në econominë e ndërlidhur globale, gjurmimi i Treguesit Ndërkombëtar të Besimit të Konsumatorit, ku Shqipëria do përfaqësohet së fundmi, është një indicator lider i tendencave ekonomike. Anketimet të cilat do të vlerësojnë Treguesin e Besimit të Konsumatorit Shqiptar do të jenë të përmuajshme dhe do të përfshijnë 1000 familje për çdo valë. Këto anketime do të kenë shtrirje kombëtare.

Çfarë është Treguesi Vetë-besimit të Konsumatorit?

Besimi i konsumatorit është një indikator/tregues i përbërë që përshkruan besimin e pritur të konsumatorit për gjithë popullsinë. Ai merr parasysh zhvillimin e pritur të ekonomisë, papunësinë, zhvillimet e pritura të situatës financiare dhe kursimet e familjeve. Me fjalë të tjera ai ështe shaklla e optimizmit që ndjenë konsumatorët mbi gjendjen e përgjithshme të ekonomisë dhe situatën e tyre personale financiare. Besimi që kanë njerëzit mbi qëndrueshmërinë e të ardhurave të tyre përcakton shpenzimet e tyre dhe për rrjedhojë shërben si një nga treguesit kryesorë, të cilët formatojnë ekonominë e nje vendi. Thënë ndryshe, në rast se besimi i konsumatorit është i lartë, konsumatorët do të kryejnë më shumë blerje duke nxitur kështu zgjerimin e ekonomisë. Nga ana tjetër, në rast se vetë-besimi i konsumatorit është i ulët, atëherë konsumatorët do të synojnë më shumë që të kurejnë se sa të shpenzojnë duke ndihmuar kështu në tkurrjen e ekonomisë.

<-- Kthehu